Los vehículos suponen una inversión de más de 740.000 euros y tán financiaos con fondos mineros
25 ago 2023 . Actualizado a las 16:51 h.Los dos primeros autobuses híbridos de la flota de la Empresa Municipal de Tresportes de Mieres (EMUTSA) yá tán más cerca de Mieres. En concretu, cuéntase con qu'a lo llargo del mes de setiembre estos dos vehículos lleguen al conceyu pa ufiertar serviciu nes distintes llinies de tresporte públicu municipal.
L'Alcalde en funciones y conceyal responsable de la área de Desenvolvimientu Urbanu Sostenible, Manuel Ángel Álvarez, xunto al xerente d'EMUTSA y al inxenieru municipal, tuvo presente nuna videoconferencia cola empresa axudicataria d'esti contratu, Solaris, na que se fixo un repás xeneral a estos vehículos, qu'a falta de los últimos detalles yá tán cuasi llistos pa la so entrega.
Estos dos nuevos autobuses pa EMUTSA —los primeres híbridos—supunxeron una inversión de daqué más de 744.000 euros financiada al traviés de Fondos Mineros y suponen siguir avanzando nel caltenimientu y fomentu del tresporte públicu como serviciu fundamental pa la vertebración del conceyu.
El conceyu señala que son una apuesta clave pa un Gobiernu llocal qu'apostó nos últimos años por una modernización de la flota y que nel anterior mandatu mercó cinco autobuses y trés microbuses nuevos, a los qu'agora se sumarán estos dos nuevos autobuses que, nesti casu, amás, son los primeres híbridos.
Tratase de dos autobuses con calificación d'híbridu diesel-llétricu autorecargables de pisu baxu continuu con toles homologaciones españoles y europees y afechos a persones con movilidá amenorgada con doble rampla y tolos elementos necesarios pa garantizar l'accesibilidá