El conceyu editó 8.000 exemplares del programa en papel, que van ser buzoniaos peles cases de tol conceyu nos próximos díes
30 ago 2023 . Actualizado a las 11:17 h.L'alcalde de Corvera, Iván Fernández, presentó'l programa completu de les fiestes del conceyu que se van desenvolver mientres diez díes dende esti vienres, intensificándose del 8 al 11 de setiembre con verbenes, fueos artificiales, la comida na cai o la marcha Cicloturista, ente otres actividaes.
El conceyu editó 8.000 exemplares del programa en papel, que van ser buzoniaos peles cases de tol conceyu nos próximos díes. Como vien siendo tradición, la revista de les fiestes abre cola programación de San Xusto y Pastor de Solís, que se va celebrar del 1 al 4 de setiembre.
El 2 de setiembre, per otru llau, el teatru El Llar va acoyer el festival Rockvera a partir de les 20:00 hores y, fieles a la so cita col públicu infantil, los xuegos y enchibles gratuitos de Pequelandia van tar na plaza del parque Europa de Les Vegues.
El 8 de setiembre, la mesma plaza va acoyer la que va ser la cuarta edición de la Folixa de El Colores, un eventu multitudinariu nel que'l Conceyu de Corvera vuelve apostar pola organización d'una holy party a la que va siguir una fiesta de la espluma y música con dj a partir de les 18:00 hores.
El deporte va ser otru de les grandes protagonistes de les fiestes de Corvera, con una ventena de competiciones y actividaes deportives partíes per tol conceyu, incluyendo la popular marcha Cicloturista, que se va celebrar el 9 de setiembre