La inscripción zarróse la selmana pasada y el cursu va escomencipiar el viniente llunes 16 d'ochobre
11 oct 2023 . Actualizado a las 10:07 h.La Escuela Municipal de Música de Llanes (EMMLLA) ruempe récords d'inscripciones pal cursu 2023-2024, algamando un númberu total de 150 persones inscrites, que suponen cuasi 200 alumnos sumando les distintes asignatures.
Ente les asignatures ufiertaes pola EMMLLA atópense Llinguaxe musical (con Música y movimientu, pa neños de 6 y 7 años, y Llinguaxe musical, pa mayores de 8 años), Cantu, Pianu, Batería, Guitarra clásica, Guitarra llétrica, Baxu llétricu, ya instrumentos de banda de música: Oboe, Xiblata trevesera, Clarinete, Saxofón, Trompa, Trompeta, Trombón, Barítonu, Tuba, y Percusión (con opción de participar na Banda Municipal de Música de Llanes).
La inscripción zarróse la selmana pasada y el cursu va entamar el viniente llunes 16 d'ochobre. A lo llargo d'esta selmana, el profesoráu de la EMMLLA ta poniéndose en contactu coles persones inscrites p'alcordar horarios, disponibilidá, audiciones, etc., tratando de diseñar horarios afechos a les necesidaes de cada alumnu ya intentando dar cabida al mayor númberu posible de persones inscrites, encaxe que precisa un importante esfuerciu organizativu.