El xuráu decidió por mayoría conceder el galardón al relatu «Micaela, con hache»
17 nov 2023 . Actualizado a las 12:54 h.La autora Beatriz Redondo Viado (El Remediu, 1976) resultó ganadora de la séptima edición del Premiu de Relatos Curtios Xosé Caveda y Nava, convocáu pol Conceyu de Villaviciosa y que cunta con una dotación económica de 1.000 euros.
El xuráu, formáu por Pablo Rodríguez Medina, ganador de la edición anterior; la escritora premiu nacional de lliteratura asturiana Lourdes Álvarez y Llucía Menéndez Suárez, docente d’asturianu nel IES Victor García de la Concha, decidió por mayoría, tres d’aconceyar esti xueves 16 nel Atenéu Obreru de Villaviciosa, conceder el premiu al relatu tituláu Micaela, con hache, que tres l’apertura de la plica correspondiente resultó pertenecer a l’autora naveta.
Beatriz Redondo Viado ye llicenciada en periodismu y filosofía, tien sío directora del semanariu Les Noticies y ye autora de los ensayos El país del silenciu (a comuña con Vanesa Gutiérrez) y Yá cuasi nunca lo facemos por amor (2014) col que ganó’l XIX Premiu d'Ensayu Máximo Fuertes Acevedo, amás de collaborar en medios como Nortes, Atlántica XXII o El Salto Diario.