La Tertulia Malory escueye Tiempu d'escoria, de Xosé Nel Riesgo, como meyor llibru n'asturianu del añu 2022
AGORA
El gallardón consiste nuna ilustración d'Alfonso Zapico y una medaya conmemorativa
22 nov 2023 . Actualizado a las 13:37 h.El colectivu cultural Tertulia Malory escoyó como meyor llibru n'asturianu de tolos que s'editaron nel 2022 la novela «Tiempu d'escoria», del escritor Xosé Nel Riesgo.
El xuráu formáronlu los escritores Xulio Arbesú, José Luis Rendueles, Solinca Turbón, Roberto Corte, Aique Fernandi, Beatriz Quintana Coro, David Fernán, Chechu García y Henrique G. Facuriella, que fallaron el premiu nun actu celebráu na tertulia'l sábadu 18 de payares de 2023. El gallardón consiste nuna ilustración d'Alfonso Zapico y una medaya conmemorativa, que se van entregar nun actu públicu en L'Entregu en feches vinientes.
El xuráu destacó cómo «dende los güeyos d'un neñu y con una narrativa mui áxil, l'autor constrúi un testimoniu, en forma de crónica, de la vida nes barriaes del Avilés industrial de los años setenta del sieglu XX, al empar que ye quien a emocionanos col procuru y fondura colos que recuerda la figura materna».«Tiempu d'escoria» ye la quinta novela de Xosé Nel Riesgo, depués de «El cai nunca duerme» (1988), «Parque temáticu» (2005), «Escrito na ceniza» (2007) y «Venti negrinos» (2014), informa Europa Press.