La publicación tamién inclúi un estudiu de les creyencies y rituales en Palacios del Sil o remedios melecinables pa les malures
23 nov 2023 . Actualizado a las 11:13 h.La revista Cultures, qu'edita l'Academia de la Llingua Asturiana (ALLA) y que ta dedicada a la etnografía y antropoloxía rexonal, dedica nel so númberu 27 dellos artículos a analizar el problema del llobu n'Asturies.
Asina, el númberu nuevu, que yá ta nes llibreríes, inclúi un artículu del profesor de la Universidá d'Uviéu, Xosé Alba Alonso, tituláu 'Llobu llobatis. A propósitu del problema del llobu d'Asturies'; mentes que David Ordoñez Castañón y Antonio Pestana Salido analicen la caza del llobu n'Asturies en dos artículos.
Otra manera, la revista tamién inclúi un estudiu de la lliteratura oral tradicional y la so trescripción nel sieglu XX, les creyencies y rituales en Palacios del Sil, los remedios melecinables pa les malures de los güeyos o la reflexón sobre'l llugar d'Asturies nel paisaxe sociocultural contemporaneu.
Tamién se recueyen collaboraciones qu'estudien les práctiques de l'arqueoloxía agraria, l'asturianu na documentación medieval nel monesteriu de Santa María de Lapedo (Balmonte), les figures y personaxes venceyaos al sector ganaderu na zona del Navia-Eo nel sieglu pasáu y un análisis de delles práctiques específiques na collecha de la mazana y el so por qué., informa Europa Press.