El Principáu defende la separación de la relixón de los poderes públicos «como garantía de llibertá»

La Voz REDACCIÓN

AGORA

De izquierda a derecha, el catedrático de Derecho Constitucional Miguel Presno; Luis Fernández, presidente de Asturias Laica, y la viceconsejera de Derechos Ciudadanos, Beatriz González
De izquierda a derecha, el catedrático de Derecho Constitucional Miguel Presno; Luis Fernández, presidente de Asturias Laica, y la viceconsejera de Derechos Ciudadanos, Beatriz González Gobierno del Principado

La viceconseyera de Derechos Ciudadanos del Principáu, Beatriz González Prieto, defendió «la neutralidá estricta de tratu del Estáu hacia cualquier creencia o convencimientu personal»

13 dic 2023 . Actualizado a las 10:50 h.

La viceconseyera de Derechos Ciudadanos del Principáu, Beatriz González Prieto, defendió esti martes «la neutralidá estricta de tratu del Estáu hacia cualquier creencia o convencimientu personal» como forma de «garantizar la llibertá de conciencia de les persones». Amás, apoyó la iniciativa que'l Conceyu de Xixón n'abril cola aprobación d'un reglamentu sobro laicismu.

Na presentación de la conferencia «Laicismo y Constitución», pronunciada esta tarde nel Centru de Cultura Antiguu Institutu de Xixón pol catedráticu de Derechu Constitucional Miguel Presno, la viceconseyera destacó la necesidá de «respetar» la separación ente les entidaes públiques y privaes.

«Nun podemos priorizar unes relixones sobre otres. Polo tanto, comparto cualquier promoción de la completa independencia del Estáu de cualquier instancia relixosa en toles instituciones públiques», manifestó. Según indiquen dende'l Gobiernu asturianu en nota de prensa, González Prieto aludió a la importancia de qu'alministraciones públiques como'l Conceyu de Xixón incorporen normatives específiques sobre'l laicismu, porque «se trata de regular el mandatu constitucional d'aconfesionalidá y neutralidá relixosa», informa Europa Press.

P'acabar, señaló qu'estes iniciatives permiten «garantizar la llibertá ideolóxica y relixosa de la ciudadanía, evitando desigualdaes o discriminaciones énte la llei».