Encabecen la llista 'Estrella solitaria', de Triángulo de Amor Bizarro, siguíu de Marina Herlop con 'La Alhambra', C. Tangana con 'Oliveira dos cen anos'
21 dic 2023 . Actualizado a las 09:55 h.La prestixosa revista de música y cultura pop 'Rockdelux' publicó esti xueves una llista coles 40 meyores cantares nacionales del 2023, onde incluyeron el cantar 'Cómo ye', de Rodrigo Cuevas.
Esti cantar n'asturianu ocupa'l puestu númberu siete de la llista y, anque la mayoría de les temes son en castellanu, nel puestu númberu trés ta'l cantar en gallegu 'Oliveira dos cen anos', que C. Tangana compunxo pal centerariu del Real Club Celta de Vigo.
Per otru llau, el catalán ta representáu nel puestu 18 con Júlia Colom y 'Camí amunt' y nel 24 con Renaldo & Clara col cantar 'Trobo a faltar'.
Encabecen la llista 'Estrella solitaria', de Triángulo de Amor Bizarro, siguíu de Marina Herlop con 'La Alhambra', C. Tangana con 'Oliveira dos cen anos', Melenas con 'Bang', shego con 'steak tar tar', Rosalía & Rauw Alejandro con 'Vampiros', Ralphie Choo & Mura Masa con 'Máquina culona', Rodrigo Cuevas con 'Cómo ye', María José Llergo con 'Juramento', y Surfin' Bichos con 'Maquina que no para'.
Soleá Morente, Vicco, Grande Amore, Aitana, La Casa Azul o Saiko con otros de los artistes que tán na llista de 'Rockdelux', onde'l puestu 36 ta Marcelo Criminal y l'asturianu Nacho Vegas col cantar 'El día que murió Pedro Sánchez'; informó Europa Press.