La consulta entama a esti llunes 1 de xineru y va acabar el martes 9 d'esti mes
01 ene 2024 . Actualizado a las 16:48 h.Iniciativa pol Asturianu entama esti llunes, 1 de xineru, la votación de la «Meyor noticia pal asturianu en 2023». D’esta manera, la organización pretende escoyer, pente medies d’una votación popular n’internet, la meyor noticia pal idioma nel fináu añu 2023.
La organización apuntó que «tamos mui contentos porque esta iniciativa estrenóse nel añu 2013 y cumple 11 años recoyendo bones noticies pal idioma.Ye una manera de faer repás a les tantes bones noticies pal asturianu, pa valorar el camín que tamos abriendo pa salvar la llingua asturiana y pa garrar fuercies pa trabayar esti añu qu’acaba d’empecipiar».
Pa Iniciativa pol Asturianu esta votación ye importante porque «con esta campaña pretendemos facer llegar a la ciudadanía asturiana delles bones noticies pal nuesu idioma. Tamién val pa revisar tol llabor d’Iniciativa pol Asturianu y pa comprobar cómo añu a añu la llingua asturiana tien una repercusión positiva nos medios de comunicación».
Los participantes pueden escoyer ente un total de 17 bones noticies pal asturianu de diferente tipu d’un total de 34. La votación entama esti llunes 1 de xineru y va acabar el martes 9 d’esti mes. Amás, los participantes van participar nun sortéu d’un llote de llibros n’asturianu.