Rodrigo Cuevas y el Grupo Beatriz publiquen una nueva versión de «Cómo ye?»

La Voz

AGORA

Foto promocional del remix de «Cómo ye?», de Rodrigo Cuevas y Grupo Beatriz
Foto promocional del remix de «Cómo ye?», de Rodrigo Cuevas y Grupo Beatriz

Subtitulada «Cadereo Remix», axunta al reconocíu artista con la orquesta reina del branu asturianu

05 ene 2024 . Actualizado a las 12:30 h.

El premiu nacional de Músiques Actuales 2023, Rodrigo Cuevas, y la orquesta reina del branu asturianu, el Grupo Beatriz, publicaron esti vienres una versión nueva del tema Cómo ye?

La versión orixinal de Cómo ye? foi'l tercer adelantu del discu nuevu de Rodrigo Cuevas, Manuel de Romería, col que yá percorrió distintes localidaes nacionales y places internacionales de Portugal, Bélxica, Francia y Méxicu.

 

Nel tema amesta tonada, pachanga y rap pa facer un homenaxe a Piloña y al branu en pueblu. Cómo ye?, que suma más de 260.000 visualizaciones en YouTube, tien lletra y música de Rodrigo Cuevas, pero bebe de la música tradicional asturiana ensin fuxir de los sones más urbanos.

 

Esti cantar foi escoyíu pola prestixosa revista de música y cultura pop Rockdelux ente los 40 meyores cantares nacionales del 2023, onde incluyeron esti tema nel puestu siete.

La versión nueva, subtitulada Cadereo Remix y que pasa pela peñera del pachanguéu de les orquestes el Cómo ye? orixinal, axunta al artista asturianu de más repercusión internacional con una de les orquestes más famoses d'Asturies; el Grupo Beatriz, formación con 26 años de trayectoria y 13 discos al llombu, informa Europa Press.