Hai cuatro llinies específiques de financiación dende empreses a archivos de tradición oral
24 ene 2024 . Actualizado a las 14:07 h.La Viceconseyería de Cultura, Política Llingüística y Deporte convocó les ayudes destinaes a la promoción, estudiu y fomentu del valor del patrimoniu cultural asturianu, qu'anguaño tán dotaes con 100.000 euros, 20.000 más que na edición pasada.
El Boletín Oficial del Principáu d'Asturies (BOPA) publica esti miércoles la convocatoria, con un plazu de presentación de solicitúes que va tar abiertu hasta'l 6 de febreru, según indiquen dende'l Gobiernu en nota de prensa.
La convocatoria inclúi cuatro llinies específiques de financiación, en función del beneficiariu: a entidaes ensin ánimu d'arriquecimientu y particulares, pa la puesta en valir del patrimoniu cultural material; a empreses, pa la puesta en valir del patrimoniu cultural material; a entidaes ensin ánimu d'arriquecimientu y particulares, pa la puesta en valir del patrimoniu cultural inmaterial y archivos de tradición oral; y a empreses, pa la puesta en valir del patrimoniu cultural inmaterial y archivos de tradición oral.
Les subvenciones pretenden apoyar acciones de puesta en valir del patrimoniu cultural, tanto material como inmaterial, amás d'actividaes d'asociaciones, fundaciones y entidaes ensin ánimu d'arriquecimientu cola finalidá de la defensa y promoción del patrimoniu cultural asturianu. Coles mesmes, tán destinaes al fomentu de la conocencia de los valores culturales al traviés de proyectos que favorezan l'aprendizaxe y la promoción del patrimoniu ente la ciudadanía; informó Europa Press.