Iniciativa denuncia que'l Conceyu de Valdés «inora» la toponimia oficial nes 'lletrones' nueves de L.luarca
AGORA
L'asociación llamentó'l «pocu procuru pol usu del nome tradicional de la capital valdesana nun conceyu gobernáu pol PSOE, partíu que lleva nel so programa la oficialidá de la llingua asturiana»
24 ene 2024 . Actualizado a las 17:41 h.Iniciativa pol Asturianu denunció que les 'lletrones' nueves de L.luarca incumplen la toponimia oficial de la capital del conceyu de Valdés. Una situación que según la organización incumple la Llei d'Usu del Asturianu.
Al traviés de nota de prensa, indicaron que'l conxuntu escultóricu instaláu nel cai namás cuenta cola versión 'Luarca', cuando oficialmente la capital de Valdés ye Luarca/L.luarca.
Por eso, l'asociación llamentó'l «pocu procuru pol usu del nome tradicional de la capital valdesana nun conceyu gobernáu pol PSOE, partíu que lleva nel so programa la oficialidá de la llingua asturiana», pero que nel Conceyu de Valdés «únicamente utiliza la forma deturpada» del topónimu.
Iniciativa pol Asturianu solicitó la instalación d'un conxuntu escultóricu col topónimu tradicional de L.luarca o la adaptación del existente pa que tea presente la doble denominación; informó Europa Press.