Compite escontra Casares (Malaga), Ainsa (Huesca), Sos del Rey Católico (Zaragoza), Mura (Barcelona) y Pals (Girona) tres la decisión del Comite d'Evaluación presidíu pola secretaria d'Estáu de Turismu
09 may 2024 . Actualizado a las 17:34 h.Cuideiru, capital del conceyu del mesmu nome, ye unu de los pueblos más visitaos a lo llargo del añu por turistes de tol estáu y tamién d'otros. Nos meses de branu, la villa pixueta amuesa un aumentu turísticu bien grande, siendo en dalgunes vegaes hasta problemáticu pa los vecinos que, a caldía, usen les sos cais na vida cotidiana del conceyu. Poro, magar de ser un pueblu perguapu, quiciás habría regulase'l so accesu pa caltener la identidá d'unu de los llugares con más esencia d'Asturies.
Pero, más p'allá de la so regulación, Cuideiru opta agora al sellu de la ONU que lu determina como meyor pueblu turísticu, un distintivu que se llama «Best Tourism VIllages». Eso sí, nun ye l'únicu candidatu. Compite escontra Casares (Malaga), Ainsa (Huesca), Sos del Rey Católico (Zaragoza), Mura (Barcelona) y Pals (Girona) tres la decisión del Comite d'Evaluación presidíu pola secretaria d'Estáu de Turismu.
Agora, ye'l turnu de la secretaría de la ONU, que va tener que revisar les candidatures pa que, depués, un xuráu independiente decida cuála ye la candidatura ganadora. Los pueblos a los que se conceda'l sellu Best Tourism Villages d'ONU Turismuvan recibir un diploma acreitativu que va tener una validez de trés años, mesmo que va llograr visibilidá internacional como exemplos de destinos rurales que caltienen y promueven los sos paisaxes, la so diversidá biolóxico y cultural y la identidá de los llocales.
Nos años últimos fueron premiaos en 2021, Morella (Castellón) y Lekunberri (Navarra); en 2022, Alquézar (Huesca), Rupit (Barcelona) y Guadalupe (Cáceres); y en 2023, Cantavieja, Sigüenza y Oñati. ¿Sedrá agora Cuideiru en 2024?