El problema entamó a finales de febreru, cuando los centros recibieron el comunicáu sobre'l cambéu del serviciu de comedor a la empresa Os Ventos, tres quebrar l'anterior axudicataria del serviciu, el grupu llionés De Celis
10 may 2024 . Actualizado a las 17:54 h.La formación política Aina va entamar el próximu día 13 de mayu a les 18:00 hores una mesa redonda na Casa de Cultura Escueles Dorado con motivu de la problemática que va un mes que se vien denunciando en dellos comedores de los colexos públicos asturianos: la xubida del preciu de los menos.
El problema entamó a finales de febreru, cuando los centros recibieron el comunicáu sobre'l cambéu del serviciu de comedor a la empresa Os Ventos, tres quebrar l'anterior axudicataria del serviciu, el grupu llionés De Celis. El resultáu d'esti procesu ye que los colexos José Bernardo de Sama (Llangréu) y la Vega de Guceo de Turón (Mieres) pasen de pagar 5 euros al día a 8,25 euros.
Agora, Aína propón esta mesa redonda onde va tar moderando María Fernández, de la Mesa Nacional del partíu, y van participar David Fernández (Plataforma families afectaes de Siero), Lucía Peral y Guzmán Alonso (Colectivu de families afectaes pola xubida del preciu del comedor) y Xuacu Rodríguez (Cocineru y militante d'Izquierda Sindical Asturiana). Ente otres cuestiones, va aldericase sobre lo que ta pasando col serviciu de comedores n'Asturies, sobre cómo afecta esta situación a les families y a les trabayadores y qué soluciones esisten.