Investigadores y entusiastes de la ciencia van axuntase en chigres de tol mundu pa celebrar el festival «Pint of Science»

Del 13 al 15 de mayu, investigadores y entusiastes de la ciencia van axuntase en chigres de tol mundu pa celebrar el festival Pint of Science. Esti eventu, que ganó reconocencia internacional, ufierta un ambiente relaxao y afayadizu p'alderiques sobre una amplia gama de temes científicos. Nació al traviés de dos investigadores de Londres, que reconocieron que 'l públicu tien muncho interés n'informase y tener eses conversaciones sobre noticies actuales del desenvolvimientu de les sos investigaciones, pero teníen el problema principal de nun poder tar colos y coles investigadores.

La primer edición d'esti festival tuvo llugar en 2013 y dende entós ganó popularidá añu tres d'añu. Anguaño, el festival Pint of Science 2024 promete ser entá más emocionante. N'Asturies, específicamente nes ciudaes de Xixón y Uviéu, los participantes van atopar una selección de chigres onde se van llevar a cabu estes fascinantes conversaciones científiques. Nesta edición, estes son les cites:

Xixón

- El 13 de mayu a les 19:00 hores na Cervecería Morrison va ser la charra Chips, física, cacas, videojuegos y mucho más: ¡una tarde de descubrimientos!

- El 14 de mayu a les 19:00 hores nel Toma3 va ser la charra Skincare, 5G, carbón y mucho más

- El 15 de mayu a les 19:00 nel Fiera Bar va ser la charra Mares revueltos, ejercicio y cáncer

Uviéu

- Rocket Rock Club

13 de mayu: Luz y nanociencia

14 de mayu: Buscando la sostenibiliad

15 de mayu: Arqueología y alimentación, juntas por separado

- Chelsea Cafe Lounge

13 de mayu: Neuromitos y cuidados del cerebro

14 de mayu: Hablando de cáncer, microRNA y de ejercicio saludable

15 de mayu: Microondas, estrellas "domésticas" y... ¡asesinos!

- El Manglar

13 de mayu: ¿Cómo nos afectan la autofagia, la microbiota y la luz nocturna?

14 de mayu: Del pasado al presente de la física y la química

15 de mayu: El amor y otros tratamientos cerebrales

Ente Xixón y Uviéu, les persones interesaes van poder interactuar con dellos investigadores de la Universidá d'Uviéu y otres instituciones del estáu español, lo que promete arriquecer entá más les conversaciones y los alderiques con científicos nuna edición del Pint of Science que yá ye cita imprescindible na cultura científica d'Asturies.

---

---