La esposición Onírica () pudo facese realidá a l'aportación de más de 25.000 voluntarios
24 may 2024 . Actualizado a las 14:46 h.El Pozu Santa Bárbara vístese de suaños hasta'l 28 de xunetu. La esposición Onírica () inauguróse ayeri nun proyectu que resulta mui ambiciosu. Xunto col comisariáu de L.E.V., el PZSB presenta l'últimu proyectu del estudiu d'arte italianu fuse*. Esta obra audiovisual esplora la dimensión de los suaños, interpretando al traviés de llinguaxes sintéticos la capacidá creativa de la mente humana mientres duerme. Col usu d'algoritmos capaces de traducir testos n'imaxes, la instalación lleva al terrén de lo visible los nuesos relatos nocherniegos, plantegando nueves reflexones en tornu a la relación ente'l ser humanu y la máquina, ente la ferramienta y el creador.
La obra tresforma nuna esperiencia colectiva los suaños de les persones voluntaries que participaron nes sesiones previes d'investigación na Universidá de Bolonia y la Universidá de California Santa Cruz. Escoyíes a partir d'una base de 28.748 suaños, les trames d'esta pieza fluyen una dientro d'otra como una serie de curtios, trazando la cadencia real de los suaños presentes a lo llargo d'una nueche nes sos distintes fases REM y NREM. Les secuencies visuales son xeneraes artificialmente por un sistema de machine learning que traduz les descripciones de los suaños nuna serie d'allucinaciones visuales posteriores que dan vida a los personaxes, oxetos y paisaxes qu'equí s'amuesen.
Esti fluxu continuu de conciencia sintética atopa la so estética final al traviés de la estrecha collaboración ente'l ser humanu y la intelixencia artificial: anque la máquina propón infinites traducciones posibles de les hestories n'imaxes y voces, nun tien nengún tipu de capacidá de decisión no que fai a les opciones estétiques y conceptuales. La tecnoloxía asume asina'l papel d'un asistente creativu qu'interpreta les indicaciones del director proponiendo posibles idees y soluciones, nuna relación comparable a la que se desenvuelve nel senu d'un equipu cinematográficu compuestu, nesti casu, por humanos y máquines intelixentes.
La esposición pue visitase de baldre hasta'l 28 de xunetu. Los martes, miércoles, xueves y vienres ta disponible ente les 16:00 y les 21:00 hores. Los sábados, domingos y festivos va tar abierta ente les 11:00 y les 14:00 hores y ente les 16:00 y les 21:00 hores.