Grau pon la lliteratura y la edición nel puntu de mira

Raúl Alonso REDACCIÓN

AGORA

Casco histórico de Grado
Casco histórico de Grado Turismo Asturias

Les xornaes van cuntar con charres, performances y meses redondes

06 jun 2024 . Actualizado a las 18:29 h.

Grau celebra esti 8 de xunu les Xornaes de Lliteratura y Edición Contemporánea, unos actos que se proponen proponen como un puntu d’alcuentru, alderique y reflexón ente tolos eslabones de la cadena de valor del llibru.

Nesta IV Edición, pretende esplorase, énte la presión d’un mundu cada vez más globalizáu y uniformado, nes singularidaes d’aplicación nos sectores culturales de la denominada «economía circular o de Kilómetru 0»: motivos polos que afondar nel territoriu proyectos de calter sociocultural, ventayes ya inconvenientes na decisión de tomar la contorna próxima como exa de la obra artística o l’apueste públicu pola Cultura y la vitalidá del texíu asociativu como exes vertebradores pal frenu al despoblamientu.

Per otra parte, pa la pervivencia de la idiosincrasia local, el folclor y la lliteratura de tradición oral cumplen un papel fundamental, polo que les actuaciones de recuperación, defensa, reinvención, cultivu y/o fusión d’estes espresiones llíricu-musicales van tener una relevancia nuclear nestes xornaes, que van tener como colofón la puesta de mancomún del proyectu underGRAU: una novela colectiva ambientada nel conceyu, ellaborada mientres l’últimu añu y mediu nel Taller d’Escritura Creativo «Grau: Escenariu Narrativu».