El sortéu ta abiertu hasta esti 21 de xunu y pueden participar menores de 35 años
18 jun 2024 . Actualizado a las 16:34 h.La Pola Somiedu va acoyer del 28 de xunu al 1 de xunetu de 2024 la primer edición del Llar Trad Fest, que promete ser una esperiencia tresformadora pa los amantes de la música folk y tradicional. Una de les sos caberes anuncies foi la del sortéu de trés beques ente la mocedá pa participar nes sos masterclasses. Esti sortéu débese a una donación anónima a l'asociación que s'encarga de coordinar el festival.
«¿Tienes menos de 35 años?? ¡Tas de suerte! Puedes venir de baldre a les masterclasses del Llar Folk cola Beca Moza Llar Folk. Con esta beca vas poder esfrutar de la formación nel instrumentu y nivel que quieras (guitarra, bouzouki, xiblata, gaita, bodhran, acurdión o vigulín)». Asina daben anuncia nes sos redes sociales del sortéu, qu'entá recibe participaciones. El 21 de xunu va pesllase y seleccionase'l ganador o ganadora.
Con esti actu, Llar Trad Fest afonda nel so oxetivu de «fomentar el deprendizaxe y la promoción de les músiques tradicionales tanto asturianes como d’otros países del Arcu Atlánticu, poniendo especial procuru nel intercambiu intercultural, la creación de comunidaes y la tresmisión interxeneracional de conocimientos».
Entamáu pola Asociación Cultural Llar Folk cola collaboración del Ayuntamientu de Somiedo, esti festival tien l’oxetivu de fomentar el deprendizaxe y la promoción de les músiques tradicionales tanto asturianes como d’otres rexones del Arcu Atlánticu, poniendo especial procuru nel intercambiu intercultural, la creación de comunidaes y la tresmisión interxeneracional de conocimientos.