La tradicional carrera de monte celebra la so XI edición (que va ser la del desempate) percorriendo 22 quilómetros pel Parque Natural de Somiedo
22 jun 2024 . Actualizado a las 05:00 h.El próximu domingu día 23 de xunu, asturianos y llioneses van enfrentase na XI edición de La Batallona de Somiedu nun enfrentamientu lúdicu-deportivu de 22 quilómetros corriendo pelos escenarios más emblemáticos del Parque Natural de Somiedo.
La carrera de monte va salir del Altu de la Farrapona y va tomar dirección escontra los Llagos de Saliencia, Veiga de Camayor, El Val.le y El Coutu p'acabar en La Pola Somiedo. L'oxetivu de la carrera ye consiguir la victoria por equipos, de tala forma que solo va poder haber un campeón, Asturies o Llión, compitiendo los llioneses con camiseta colorada y los asturianos con camiseta azul.
Tres les primeres 10 ediciones la cosa ta mui igualada, polo qu'esti ye l'añu del desempate. L'equipu llionés va tar encabezáu por Natichu Alvarado, directora xeneral de la Cultural y Deportiva Leonesa, equipu históricu del fútbol español, y per parte d'Asturies, con un palmarés impresionante nel mundu de les carreres mundiales europees y un llargu etcétera d'ésitos, Ana Cristina Aguado Mori.
Nun se xuega namás que la victoria deportiva na carrera, sinón que tamién s'intenta que la fiesta deportiva seya amás una fiesta de convivencia ente asturianos y llioneses nel incomparable marcu del Parque Natural de Somiedo.