LABoral abre la so II Convocatoria de Residencies

Raúl Alonso REDACCION

AGORA

LABoral Centro de Arte y Creación Industrial
LABoral Centro de Arte y Creación Industrial

El plazu pa presentar proyectos va tar abiertu hasta les 12 hores del 29 de xunetu

08 jul 2024 . Actualizado a las 10:53 h.

Llaboral Centru d'Arte y Creación Industrial, como espaciu de creación y producción, promueve un programa de residencies que pretende dar sofitu a creadores/as de distintes disciplines. Les convocatories que conformen el programa de residencies de Llaboral

tienen como oxetivu impulsar procesos de creación ya investigación y apurrir a los y les residentes estudios de trabayu, espaciu de creación y acompañamientu, facilitando asina'l desenvolvimientu de los sos proyectos arriqueciéndolos, amás, dientro d'una escitante comunidá artística en constante movimientu. Y pa ello, ta acabante de dar anuncia de la so II Convocatoria de Residencies.

La convocatoria tien como oxetu final sofitar un máximu de 5 proyectos artísticos, de los cualos 2 d'ellos van tar específicamente centraos na producción/investigación/creación nel Llaboratoriu de Soníu del Centru. Estes residencies tienen como condición l'usu del espaciu de trabayu en Llaboral Centru d'Arte y Creación Industrial, mientres a lo menos un mes y hasta un máximu de cinco meses ente'l 1 de setiembre de 2024 y el 31 de xineru de 2025. Nesta convocatoria incluyiránse dos residencies en cada estudiu; d'esta manera van establecese nueves sinerxes y posibles collaboraciones ente los y les creadores. Amás, los residentes van poder entamar una actividá en redol a la tema de la so investigación o producción mientres el periodu de residencia o hasta los seis meses próximos.

La convocatoria va tar abierta hasta'l 29 de xunetu a les 12 hores, momentu nel que la dirección va valorar los proyectos presentaos pa, depués, dar anuncia de los afortunaos que van esfrutar d'esta esperiencia artística.