L'eventu va acoyer charres, música o cine, ente otres actividaes, amás del mercáu creativu
17 jul 2024 . Actualizado a las 13:49 h.Esti sábadu 20 de xunetu de 2024, dende les 10.30 hasta les 21.00h, va tener llugar nel Colexu Públicu San Jorge de Luiña (Ibias) l'eventu Nueves Ruralidades Creatives y Sostenibles, un alcuentru comuñal qu'axunta cultura, tradición, arte, música y etnografía nuna contorna rural y en riesgu de despoblación como ye la parroquia de Tormaleo nel conceyu d'Ibias.
Un alcuentru que tien como oxetivu fomentar la cultura, la creatividá y l'arte dende la perspectiva de la sostenibilidá, demostrando como la cultura y la creatividá en contornes rurales tamién puede contribuyir a la consecución de los Oxetivos de Desenvolvimientu Sostenible (ODS) y l'Axenda 2030. Mientres tol día va haber una programación variada d'actividaes qu'inclúin charres, conciertos, cine, talleres, mural comuñal, comida popular, grabación del podcast Movidas de chigre, mercáu creativu y una esposición colectiva de muyeres.
Esti ye'l programa completu:
Charres pa contribuyir a la sostenibilidá de les industries creativu y cultural en zones rurales nes temátiques de los ODS y el financiamientu sostenible de proyectos culturales, cola participación de María Rosario Alonso Ibáñez, Directora de la Cátedra Concepción Arenal d'Axenda 2030, Universidá d'Uviéu, y Mauricio O’Brien, Asesor en diseñu, comunicación y fundraising/captación de fondos en Nanoma S Coop Ástur.
Presentación de cuatro esperiencies llocales escontra la sostenibilidá del sector creativu y cultural al cargu de: Sara Gómez—Proyecto Camminus : Cultura, memoria y participación ciudadana; Alba Vidal—El Xiblu: Llaboratoriu Cultural Rural; Lucía Cuesta—Allandestars: Divulgación científica d'Astronomía en zones rurales y Natalia Suárez—Woodic: Cerámica artesana pa un mundu modernu. Siguíu de mesa redonda pal impulsu del mediu rural al traviés de la cultura sol prisma de los ODS y l'Axenda 2030.
- Talleres prácticos y creativos nes temátiques de arteterapia, nuevos aproximamientos al folclor, cerámica y sostenibilidá.
- Conciertos con actuaciones destacaes de música tradicional: Casapalma (Cantabria), Dulzaro (Valladolid), Ferla Megia (Asturies) y Tsú-folk (L.laciana).
- Esposición multidisciplinar colectiva de muyeres en relación col ODS5·Igualdá de xéneru y empoderamientu de la muyer.
- Mercáu con artesanos y creativos locales.
- Mural comuñal na temática de los 5 exes de los ODS (Persones, planeta, prosperidá, paz y aliances) pa fomentar la sostenibilidá.
- Grabación del podcast Movidas de chigre en directu