La publicación, dirixida por Marta Mori, atropa una riestra curiosa de poemes, relatos, testos ensayísticos y traducciones de bien d?autores
20 may 2025 . Actualizado a las 11:54 h.Yá ta nes llibreríes l’últimu númberu de «Lliteratura», la revista lliteraria qu’asoleya cada mes de mayu l’Academia de la Llingua Asturiana coincidiendo cola celebración del Día de les Lletres Asturianes.
La publicación, dirixida por Marta Mori, atropa una riestra curiosa de poemes, relatos, testos ensayísticos y traducciones de bien d’autores señalaos de l’actual panorama lliterariu na nuestra llingua. Arriendes d’ello, inclúi l’avezada estaya crítica na que se reseñen bona parte de los llibros n’asturianu que s’asoleyaron de magar l’anterior númberu de la revista.
Con un diseñu paxoleru d’Henrique Facuriella, l’anuariu, que fai’l númberu 41, atestigua otra vuelta la bayura y calidá de la creación lliteraria que s’entama nel país.