Iniciativa reconoz el compromisu llingüísticu de Sergio Marqués col asturanu nel aniversariu de la so victoria electoral
AGORA
«Defendió la necesidá de que l'asturianu fuera un idioma oficial, propuesta que recoyó en dellos programes políticos colos que concurrió a elecciones», espliquén
28 may 2025 . Actualizado a las 17:01 h.Iniciativa pol Asturianu reconoció esti miércoles «el compromisu llingüísticu» del expresidente del Principáu Sergio Marques coincidiendo col trenta aniversariu de la so victoria nes elecciones autonómiques de 1995.
«Marqués defendió la necesidá de que l'asturianu fuera un idioma oficial, propuesta que recoyó en dellos programes políticos colos que concurrió a elecciones, participando nes manifestaciones a favor d'esti reconocimientu y al traviés de numberoses intervenciones en prensa» espliquén n'una nota de prensa.
Según detalla Iniciativa, durante'l so tiempu al frente de la presidencia nel Gobiernu Marques «convirtióse nel únicu presidente qu'aprobó una iniciativa llexislativa favorable pal idioma»: la Llei d'Usu y Promoción del Asturianu nos más de cuarenta años d'autonomía asturiana.
«Marqués foi y sigue siendo un exemplu pa la clas política na que tovía s'alcuentren postures contraries a la oficialidá de la llingua asturiana», señalen. Iniciativa pol Asturianu considera que'l Partíu Popular d'Asturies tien que recuperar la postura que Sergio Marqués tenía sobre la oficialidá y la normalización del asturianu.
La entidá quier sumase simbólicamente al actu d'homenaxe que la Xunta Xeneral del Principáu d'Asturies va acoyer esta tarde en recuerdu a la figura del expresidente Sergio Marqués, informa Europa Press.