Bakia Muhamedu: «Nun pedimos privilexos, namás el derechu a vivir con esperanza y ensin cadenes»

Bakía Muhamedu ye una moza saharagüi qu'anguaño vive n'Asturies y que llegó per primer vez gracies al programa Vacaciones en Paz, col qu'esfruto 5 años, un proyectu solidariu d'acoyida temporal (xunetu y agostu) de neños y neñes d'ente 8 y 12 años provenientes de los campamentos de refuxaos saharagüis de Tindouf. La situación nel so país natal nun fai más qu'empeorar y el so llabor de divulgar la situación ye clave. Pa conocer la so hestoria y la del so país, falamos con ella.

—¿Cuála ye la situación actual del pueblu saharagüi?

—La situación actual del pueblu saharaui sigue marcada pola ocupación, l’exiliu y un conflictu políticu ensin resolver. El Sáhara Occidental, antigua colonia española, ta mayoritariamente controláu por Marruecos dende 1975, tres de la retirada d'España y la llamada Marcha Verde. Dende entós, el Frente Polisariu —movimientu independentista que representa al pueblu saharaui— reclama la soberanía del territoriu y proclamó la República Árabe Saharaui Democrática (RASD), reconocida por varios países y miembru de la Unión Africana. En 1991 se firmóse un altu'l fueu auspiciáu pela ONU, col compromisu de celebrar un referéndum d'autodeterminación que nunca se concretó. En 2020, esi altu'l fueu rompióse tres una operación militar marroquí en Guerguerat, reviviendo les hostilidaes con enfrentamientos de baxa intensidá. Güei'l procesu de paz ta allancáu. Marruecos propón un plan d'autonomía baxo la so soberanía, mientres que'l Frente Polisariu insiste nel derechu a l'autodeterminación mediante referéndum. La ONU respalda esta vía, pero la falta de consensu impide avances reales. Mentanto, decenes de miles de saharauis siguen viviendo en campos de refuxaos en Tinduf, Argelia, en condiciones difíciles y dependiendo casi por completu de l'ayuda humanitaria internacional.

—¿Cómo espolia Marruecos los recursos naturales del Sáhara Occidental, como'l fosfatu, el petróleo, la pesca o la enerxía solar?

—Marruecos espolia los recursos naturales del Sáhara Occidental al traviés d'una ocupación considerada illegal pol derechu internacional. Esplota y esporta fosfatu dende la mina de Bou Craa, una de les mayores del mundu, ensin el consentimientu del pueblu saharaui. Concede llicencies a empreses estranxeres pa la pesca n'agües saharauis riques en recursos, ignorando les sentencies del Tribunal de Xusticia de la UE que escluyen al Sáhara Occidental de los acuerdos con Marruecos. Amás, autorizó prospecciones petroleres y desenvuelve grandes proyectos d'enerxía solar y eólica na rexón, integrándolos a la so rede nacional y beneficiándose económicamente d'ellos, magar de qu'estos recursos pertenecen al pueblu saharaui según la ONU.

—¿Hai empreses internacionales implicaes na esplotación de recursos nel Sáhara Occidental?

—Sí, varies empreses internacionales tuvieron implicaes na esplotación de recursos naturales nel Sáhara Occidental, territoriu non autónomu y apostáu ente Marruecos y el Frente Polisariu. OCP Group (Marruecos) y Siemens Gamesa (España-Alemaña), con fosfatos y enerxía eólica; Engie (Francia) con enerxía anovable; Continental (Alemaña) con tresporte de fosfatos; Ravensdown y Ballance Agri-Nutrients (Nueva Zelanda) con fosfatos; Glencore (Suiza) (hasta 2018) con esploración petrolera, anque retiró les sos operaciones por cuenta de la presión llegal y ético internacional. Estes actividaes fueron criticaes por organizaciones como Western Sahara Resource Watch por violar el derechu internacional, yá que nun cunten col consentimientu del pueblu saharaui.

—¿Qué midíes tán tomándose a nivel internacional pa frenar la esplotación illegal de los recursos saharauis?

—Sentencies del Tribunal de Xusticia de la UE falen del tema pero nun se vio nengún cambéu. Hai presión d'organizaciones internacionales: ONG y grupos de derechos humanos denuncien y monitoreen la esplotación de recursos como fosfatos y pesca, mesmo que boicot económicu: dalgunos países y empreses evitaron comerciar con productos del Sáhara Occidental por razones étiques y llegales.

—¿Qué países o potencies tán apoyando activamente a Marruecos, y por qué lo faen?

—Francia, Estaos Xuníos, Israel, Emiratos Arabes Xuníos, Arabia Saudita, dellos países africanos... España failo con matices. La razón ye la rellación económica, la cooperación en migración y la seguridá. En 2022 hebo un cambéu clave, cuando Pedro Sánchez calificó la situación actual como la «base más seria, creíble y realista» pa resolver el conflictu. Esti xiru meyoró les rellaciones con Marruecos tres de la crisis diplomática de 2021. España allíniase asina con Estaos Xuníos y Francia, que tamién respalden el plan. La decisión xeneró crítiques internes, especialmente de partíos como Sumar y Podemos, qu’apoyen l'autodeterminación saharaui.

—¿Cómo ye la vida diaria baxo ocupación marroquí o nos campamentos de refuxaos?

—Baxo la ocupación marroquí los saharauis enfrenten represión política, discriminación social, y dificultaes económiques. La llibertá d'espresión y les oportunidaes pa los saharauis son llimitaes. Nos campamentos de refuxaos los saharauis viven en condiciones de probitú estremo y dependencia de l'ayuda esterna. Magar de les dificultaes, la cultura saharaui caltiénse viva, y esiste una sensación fuerte d'unidá y resistencia. Dambos contestos son difíciles, pero de maneres distintes, y los saharauis en dambos llugares siguen luchando pola so autodeterminación.

—¿Qué suaños o aspiraciones tienen los mozos saharauis güei día frente a esta realidá?

—Los mozos saharauis suañen, como cualesquier mozu del mundu, con una vida digna: libertá, educación, un trabayu, el derechu a decidir. Anhelamos por caminar libres pela nuestra tierra, conocer el mundu, tener oportunidaes y nun ver la nuestra mocedá desvanecese ente l'exiliu, la probeza y el silenciu. Nun pedimos privilexos, namás el derechu a vivir con esperanza y ensin cadenes.

---

---

---