Les inscripciones yá tán abiertes y van tar disponibles hasta dos díes enantes de la prueba
01 jul 2025 . Actualizado a las 13:04 h.La décima edición de la prueba ciclista solidaria y non competitiva Quedada BTT Samartín de Lluiña yá ta en marcha cola apertura de les inscripciones. La marcha, que cumple diez ediciones, repite escenariu esti 20 de setiembre en Samartín de Lluiña, na parroquia de Cuideiru, coles mires de siguir sofitando dende'l deporte a les persones más necesitaes.
El percorríu de la marcha, que cunta con 31 quilómetros de llargor, ye, según la organización pa tolos públicos que tengan un mínimu de fondu físicu. La salida, dende'l propiu pueblu de Samartín, desciende hasta lo fondero del valle de Las Lluiñas y, dende ehí, empecipia una xubida primera de 9 quilómetros con descansu abondo y con pasada pel altu Llan de Cubel y una segunda xubida de 2,5 quilómetros a Los Molinos. Dende ehí, arranca la baxada otra vuelta al pueblu de Samartín, non ensin antes pasar per San Cosme y dellos espacios de la parroquia.
La prueba ta llimitada a 150 participantes y, amás de la propia inscripción, los inscritos han traer el mesmu día a lo menos 1 quilu d'alimentos non perecederos. Tres la prueba, van donase a los servicios sociales del Ayuntamientu de Cuideiru. Los participantes van cuntar con tolos servicios necesarios en cuantes a mécanica y sanidá, amás d'avituallamientu, detalle pola participación, espicha al rematar la marcha y la participación nel sortéu de los detalles donaos polos collaboradores.