Los méxicanos fixeron parada nel festival xixoniegu dientro de la so xira 30 aniversariu
02 jul 2025 . Actualizado a las 17:12 h.Un martes lluviosu nun metió medrana al públicu qu'ayeri visitó Metrópoli Fest y qu'esperaba impaciente'l furacán mexicanu que fixo españar al recintu ferial Luis Adaro. A les 22:30, el públicu enllenó l'escenariu principal pa poder esfrutar de los mexicanos Molotov, que llegaben a la ciudá asturiana cola xira «TXXXR 30 aniversario», na que yera la tercer fecha nel estáu.
Los que marcaron adolescencies cola so «¿Dónde jugarán las niñas?» agora enfrentábense a un públicu totalmente entregáu que quería remembrar esos himnos de mocedá que siguen totalmente vixentes a día de güei (unos más qu'otros). «Pendejo», «Amateur» y «Chinga tu madre» seríen les encargaes d'arrancar un conciertu nel que non solo tocaron hits propios, homenaxaríen a Misfits col so particular «Me convertí en un marciano» o a los Saicos con «Demolición», y el momentu cimeru sedría cuando tol públicu, qu'entá nun dexara de botar, coriaría'l so archiconocido himnu «Puto», pa zarrar con «Rastaman-Dita» con miembros del públicu sobre l'escenariu y una audiencia afónica de coriar los sos ésitos.
Zarru de lluxu pa un martes de Metrópoli que nun fixo más qu'empezar. Güei, miércoles, ye'l turnu de Salistre (21:00 hores) y Fangoria (22:30 hores), el duu icónicu formáu por Alaska y Nacho Canut, que va poner a baillar a los y les asturianes que s'averen a sentir la so música. Amás, dende mañana, entama Cómic Con, unu de los principales atractivos del festival añu tres añu y qu'avera al públicu a autores, actores...