Los orixinales de toles modalidaes, menos les d'Artes Plástiques van poder unviase hasta'l 17 de setiembre
07 jul 2025 . Actualizado a las 12:24 h.Si yes una persona moza nacida o residente n'Asturies, o descendiente hasta segundu grau de persones emigrantes asturianes, nun superes los 35 años y quies dar el siguiente pasu na to creación artística nun duldes en participar en cualesquier de les modalidaes de Culturaquí. Les modalidaes pa participar son el Concursu de Maquetes Pop-Rock, Premiu «Asturias Xoven» de Poesía, Narrativa y Textos Teatrales y el Premiu «Nuevos/es Realizadores del Principáu d'Asturies».
L'oxetivu d'esti programa ye ufiertar la posibilidá de topar un calce nel que tengan cabida disciplines artístiques heteroxénees y dende'l cual la mocedá creador asturiano tenga la oportunidá d'algamar reconocencia del públicu y de los medios. Nesi sen, los premios na estaya lliteraria son de 3.000€ pa cada modalidá, mientres que nel de música son 6.000€ y 10.000€ lo destinao a Nuevos/es Realizadores.
La entidá organizadora ta acabante d'anunciar l'ampliación del plazu de presentaciones de propuestes hasta'l 17 de setiembre na sede lletrónica del gobiernu d'Asturies. Estos premios son una oportunidá pa promocionar la creación artística de la xente mozo n'Asturies y un espeyu a la creatividá fecha n'Asturies.