Un 7% de los participantes son de fuera d'Asturies, mientres qu'un 32% son del propiu conceyu Mieres
28 jul 2025 . Actualizado a las 13:48 h.«Retu Territoriu Mineru», el productu turísticu inéditu n'España venceyáu al ciclismu de monte puestu en marcha pol Conceyu de Mieres ye yá un ésitu con 160 persones inscrites nos primeros seis meses d'esta iniciativa que tien como principal oxetivu potenciar el cicloturismu nel conceyu y atraer visitantes pa esta práctica deportiva. D'elles, alredor del 61% son persones d'otros conceyos d'Asturies y más d'un 7% de fuera d'Asturies.
«Retu Territoriu Mineru»”, que va ser protagonista del stand de Mieres na Feria Internacional d'Amueses d'Asturies (FIDMA), plantégase como una carrera de continuidá con dos rutes, que van pela redolada de los montes Llosorio y Polio, como escenariu. 70 quilómetros de distancia y 2.600 metros de desnivel pa esti desafíu que les y los participantes tendrán que realizar nel menor tiempu posible. Un retu que dura tol añu 2025, periodu mientres el cual pueden repitise los itinerarios diseñaos tantes vegaes como se quiera pa bater la so propia marca y tamién p'algamar les primeres posiciones de la clasificación global.
Una motivación, por tanto, pa conocer el territoriu, que dexa a quien se sume al retu establecer los sos propios oxetivos y facer siguimientu del so progresu.Estratexa, fuerza y superación nun productu inéditu que se convirtió nun ésitu nestos primeros meses d'actividá y que se desenvuelve al traviés d'una aplicación online na que yá hai 160 persones inscrites. «Retu Territoriu Mineru» nació con vocación de continuidá polo que cada añu, el 1 de xineru, va empezar una nueva edición d'esta iniciativa qu'axunta deporte y turismu cola naturaleza del conceyu como protagonista.