La beca ufierta un mes d'estancia n'A Coruña con tresporte, agospiu y 800 euros
30 jul 2025 . Actualizado a las 05:00 h.La Residencia Lliteraria 1863, en collaboración cola Conseyería de Cultura, Política Llingüística y Deporte, anuncia la convocatoria de la V Beca Residencia Asturies, una iniciativa que reafita'l compromisu institucional cola creación lliteraria nes llingües propies del territoriu asturianu.
La beca ufierta una estancia d'un mes na ciudá d'A Coruña, del 1 al 31 d'avientu de 2025, nuna redolada histórico y cultural privilexáu. Inclúi agospiu na Residencia 1863, tresporte dende cualquier puntu d'Asturies y una dotación de 800 euros pa gastos de mantención. Gracies al sofitu de la Conseyería de Cultura, esta beca consolídase como una ferramienta pa fomentar la escelencia artística, la diversidá llingüística y el desenvolvimientu creativu d'autores qu'escriben n'asturianu o eonaviegu.
La convocatoria va tar abierta hasta'l 31 d'agostu de 2025 a les 22:00 hores. Van poder participar escritores mayores de 18 años que cunten con a lo menos una obra publicada. El proyectu lliterariu presentáu tien que ser orixinal ya inéditu, y va ser evaluáu por un comité d'espertos de reconocíu prestixu nel ámbitu cultural asturianu. Van valorase especialmente la calidá artística y la escelencia lliteraria, la orixinalidá ya innovación del proyectu.¡, la coherencia, rigor y viabilidá de la propuesta, la trayectoria, el currículum y el dossier lliterariu del solicitante y el potencial impactu de la beca nel so desenvolvimientu creativu.
Nes anteriores convocatories recibieron esta beca Miguel Rodríguez Monteavaro (2021), Pablo X. Suárez (2022), Milio Ureta (2023) y Patricia Suárez (2024).