Santi Cazorla y el mensaxe «Volvimos» protagonicen el diseñu
01 ago 2025 . Actualizado a las 11:57 h.Mahou Cinco Estrellas llanza una Edición Especial de la so icónica botella pa celebrar l'ascensu del Real Oviedo a Primera División, un llogru históricu que punxo fin a 24 años d'espera y que coincide, amás, col centenariu del Club.
Esta Edición Especial con etiqueta conmemorativa presentóse anueche mientres la Garra Real Fest, un eventu inolvidable pa oviedistes y públicu polo xeneral, qu'incluyó un triangular internacional de fútbol ente'l Real Oviedo, el Villarreal CF y el Genoa CFC y cómo non, l'homenaxe al home que volvió pa cumplir el so suañu y el de miles d'aficionaos: Santiago Cazorla.
La xornada d'esta cita completóse coles actuaciones de Melendi (interpretando per primer vegada l'himnu del centenariu), La Fuga y Joaquín Paxarón en clave humorística, amás d'un show de drones y fueos artificiales, ente otres sorpreses.
Mahou Cinco Estrellas y el Real Oviedo anovaron el pasáu branu'l so compromisu, reforzando una alianza que se forxó fai una década y que se sofita en valores compartíos como la pasión, la calidá y la cercanía. La marca sigue asina demostrando'l so sofitu al fútbol asturiano y a l'afición carbayona, col oxetivu común de siguir creciendo xuntos.
Esta Edición Especial presenta una etiqueta y contraetiqueta n'azul, tonalidá emblema del Real Oviedo. Nel frontal apaecen les ales del Ave Fénix, que reflexen un Club y una afición que resurden, un espíritu que nunca se rinde y siempres vuelve. Como nun podía ser d'otra manera, apaez de llombu na parte cimera Santi Cazorla, yá símbolu emocional, hestóricu y cultural. Una referencia del fútbol internacional que nunca escaeció los sos oríxenes siendo, amás, un referente d'humildá, trabayu y compromisu.
Na parte inferior, la palabra «VOLVIMOS», apaez en mayúscules, en referencia al históricu ascensu tres más de dos décades fuera de la Primera División. Na contraetiqueta, l'escudu del Real Oviedo y, debaxo, «Alma Invencible», con un significáu fondo y simbólico pal Real Oviedo: espíritu de llucha énte l'adversidá, unión cola afición, identidá y arguyu.