El partíu destaca que los gastos militares suponen recortes en derechos sociales
08 ago 2025 . Actualizado a las 05:00 h.Aína marca el ritmu del branu coles vacaciones del cursu políticu. Failo con la campaña que vien asoleyando nos díes caberos na que denuncia l'aumento del gastu en defensa col lema «Asturies nun ta en guerra: los sos gastos militares son recortes en derechos sociales».
L'entamu d'esta acción fíxose coincidir col Festival Aereu de Xixón y quier abrir un espaciu de reflexón colectivo sobre les prioridaes presupuestaries de les Alministraciones agora que s’anuncien aumentos significativos del gastu militar «mentanto qu’otres árees esenciales pa la vida y el bientar colectivu (como son la educación, la sanidá, l’atención a la dependencia, la investigación, les infraestructures, la vivienda, o’l sofitu al sector primariu) sufren recortes o entamen a quedar nun segundu planu», señalen.
La campaña respuende «a la necesidá d’abrir el debate a tola ciudadanía, ensin esclusiones. ¿Tán destinándose los recursos económicos de toes y toos de la manera más xusta pal bien común?», añeden. Aína quier apurrir otru puntu de vista, denunciando l’aumentu del gastu en defensa y espeyando que «más que preparanos pa la guerra, tendríemos que ser pioneros y referentes en preparanos pa la paz invirtiendo nos servicios públicos, en derechos sociales, en cuidaos, n'enseñu, vivienda, en ciencia y, ente munches otres cuestiones, en dexar a les xeneraciones vinientes una meyor versión d’esti país y d’esti mundu».