Asturies Antitaurina despliega un Xixón el camión antitaurinu cola imaxe d'un perru siendo toreáu
AGORA
L'acción precede a la manifestación escontra la Feria Taurina de Begoña del domingu 17
14 ago 2025 . Actualizado a las 10:44 h.L'asociación Asturies Antitaurina y PACMA pon en marcha una campaña de protesta contra les corríes de toros mientres la Feria Taurina de Xixón, faciendo circular un camión con pantalles LED peles principales cais de la ciudá'l día de los Fueos. La imaxe artificial que se va proyectar nel vehículu amuesa a un toreru dando muerte al traviés del insertamientu d'un descabellu a un perru nuna plaza de toros, siguida d'una escena idéntica con un toru acompañáu d'un mensaxe reflexivu coles mires de denunciar la incoherencia énte la llegalidá ya illegalidá de la mesma forma de maltratu según la especie afectada. «Si esto ye delitu, esto tamién tendría de selo. Nun hai diferencia», reza'l testu, que podrá lleese en castellán, asturianu ya inglés.
La iniciativa busca poner de manifiestu la crueldá de la tauromaquia y remover conciencies. «La tauromaquia ye maltratu animal llegalizáu. Los toros sienten dolor y mieu, igual que los perros, por eso, ye inadmitible qu'en 2025 sigan torturándose animales por diversión. La sociedá ye acaldía más empática colos animales y esisten lleis de bienestar animal, por eso matar a un perru ye un delitu y matar toros tamién tendría de selo», indica Medea López, miembru de Asturies Antitaurina.
Esta acción preciede a la manifestación antitaurina entamada por Asturies Antitaurina, que va tener llugar a les 16:30 hores na Plazuela San Miguel de Xixón y que va cuntar con un gran respaldu social d'asociaciones, colectivos animalistes y partíos políticos.