Gonzalo González Barreñada y Estela Martínez Fernández, ganadores del Certame Internacional de Cuentos Curtios «Mánfer de la Llera»
AGORA
El certame llangreanu recibió casi 500 cuentos procedentes de distintes partes del mundu
02 sep 2025 . Actualizado a las 05:00 h.La Sociedad La Montera de Sama (Llangréu) acaba fallar la tercer edición del so Certame Internacional de Cuentos Curtios «Mánfer de la Llera» que cada añu medra en participación. Esti añu recibiéronse casi 500 cuentos procedentes d’Asturies, España, Europa y Latinoamérica. El xuráu taba compuestu polos filólogos Eloy Antuña y Penélope Miranda, Alma Hidalgo y l’escritor Jose Luis Rendueles, ganador de la edición del 2024.
El premiu mozu en castellán foi pal cuentu poéticu «Aquello que no muere», del mui precoz escritor colombiano-español Emmanuel Marín Buitrago. El premiu mozu n’asturianu foi pal cuentu modernu y frescu «El triángulu inesperáu» de la samartiniega Estela Martínez Fernández. El premiu adultu en castellán foi pal evocador cuentu «La casa que no se vendía», del escritor cántabru Servando Trobo Cuesta. El premiu adultu n’asturianu foi pal cuentu sobre la memoria y el cansanciu vital del sotrondín Gonzalo González Barreñada.
La ceremonia de premiación tendrá llugar na sede social de la Sociedad La Montera, na cai Leopoldo Fernández Nespral de Sama, en día entá por determinar de finales de setiembre.