Estes artistes súmense a La Bien Querida y A&G (Alberto & García), que yá s'anunciaren va tiempu
12 sep 2025 . Actualizado a las 05:00 h.Vibra Mahou vuelve a les sales d'Asturies esta seronda col ciclu Directos Vibra Mahou, una de les programaciones favorites del públicu asturianu. La plataforma de música demuestra asina, una vegada más, el sofitu a la escena musical y artísticu d'Asturies mientres sigue conectando artistes y públicu con esperiencies cinco estrelles como esta.
A los conciertos yá anunciaos d'A&G (Alberto & García) y La Bien Quería súmase agora un terceru que va cuntar con dos protagonistes de luxu: Grande Amore y Alba Reche. Los asturianos A&G, Alberto & García van inaugurar el ciclu na sala Albéniz de Xixón el vienres 10 d'ochobre y el sábadu 8 de payares llegará-y la vez a La Bien Querida, que va actuar na uvieína Tribeca Live onde va dar a conocer el so últimu trabayu: LBQ.
El broche d'oru a esti ciclu musical poónenlo Grande Amore el vienres 28 de payares na sala Estilo d'Uviéu. Xusto primero que la banda gallega xuba al escenariu, va facelo Alba Reche.
Los gallegos son un torbolín d'enerxía visceral y ensin concesiones. Mala lleche, lletricidá, lletrónica, atmósferes escures y lletres que reflexen l'ansiedá y el caos. En directu, tresfórmense nuna máquina d'enerxía sonora casi física. Cada actuación llibera una descarga que paez sacudir a tol mundu al mesmu tiempu. Un españíu de ruíu maraviyosu con sellu propiu.
Pela so parte, l'artista alicantina, irradia tresparencia emocional, cruda y valiente. Los sos cantares son contenedores de señaldá natural, de la que fala dende'l corazón. En directu nun tien mieu a resultar incómoda, ye más, la so honestidá ye la fuerza qu'alimenta'l so rellumu.