L'Academia de la Llingua Asturiana anuncia'l primer cursu d'asturianu del métodu Noyos
AGORA
La propuesta tien como base'l Marcu Común Européu de Referencia pa les Llingües
11 sep 2025 . Actualizado a las 13:16 h.Noyos, el métodu d’alfabetización n’asturianu p’adultos que tien como base’l Marcu Común Européu de Referencia pa les Llingües, abre’l primer cursu de nivel A1-A2. El cursu, del 7 d’ochobre al 11 d’avientu de 2025, tien una duración de 100 h llectives. D’eses hores, 60 van ser presenciales nel Llar de l’Academia (C/Águila, 10 ? Uviéu) los martes y xueves de 17 a 20 h y les otres 40 van ser d’autoestudiu per parte l’alumnáu al traviés d’una plataforma dixital con accesu a actividaes complementaries y material audiovisual específico del programa.
Los conteníos del cursu, dividíos en seis unidaes pa cada nivel, abarquen temes esenciales y d’utilidá comunicativa como, por exemplu, l’amistá, el tiempu de vagar, l’alimentación, el deporte o los viaxes. A nivel gramatical van trabayase diferentes tiempos verbales, l’usu de los pronomes, l’apostrofación o la contracción. Too ello dende un enfoque comunicativu, al traviés d’actividaes de comprensión y espresión oral y escrita. De manera complementaria, nos cursos de Noyos van tratase temes de calter sociollingüísticu, históricu y cultural.
La matrícula va poder facese del 15 al 30 de setiembre na web de la institución y el preciu, de 150 euros, inclúi materiales ya inscripción na Prueba de Conocencia de la Llingua Asturiana. Les persones qu’algamen un resultáu de «aptu/a» van poder certificar, según el sistema formativu de la institución, el nivel llingüísticu elemental d’asturianu.