Arantza Margolles: «Reivindicamos el recuerdu de Sergio Marqués como un presidente que valoró l'idioma y que lu defendió ensin complexos»
AGORA
Durante'l so tiempu al frente de la presidencia nel Gobiernu autónomu, convirtióse nel únicu presidente qu'aprobó una iniciativa llexislativa favorable pal idioma
29 oct 2025 . Actualizado a las 12:52 h.Dellos representantes d'Iniciativa pol Asturianu asistieron esta mañana al actu nel que se-y dio'l nome d'una cai en Cimavilla a Sergio Marqués, presidente del Gobiernu del Principáu d'Asturies ente 1995 y 1999. Por mor d'esti actu a les puertes del edifi ciu del Conseyu Consultivu del Principáu d'Asturianu, la organización de reivindicación llingüística quier recordar el compromisu col asturianu del presidente autonómicu. Marqués defendió la necesidá de que l'asturianu fuera un idioma ofi cial, propuesta que recoyó en dellos programes políticos colos que concurrió a elecciones, participando nes manifestaciones a favor d'esti reconocimientu y al traviés de numberoses intervenciones en prensa.
Durante'l so tiempu al frente de la presidencia nel Gobiernu autónomu, convirtióse nel únicu presidente qu'aprobó una iniciativa llexislativa favorable pal idioma; la Llei d'Usu y Promoción del Asturianu nos más de cuarenta años d'autonomía asturiana. Marqués foi y sigue siendo un exemplu pa la clas política como un modelu d'alcuentru, defensa del patrimonio llingüísticu y avance na defensa de los drechos llingüísticos.
Iniciativa pol Asturianu considera ye'l momentu de recurar la postura que Sergio Marqués tenía sobre la ofi cialidá y la normalización del asturianu y tamién esi consensu y alcuentru que xeneraba al rodiu del patrimoniu llingüísticu. Nesi sen, la presidenta d'Iniciativa pol Asturianu, Arantza Margolles, recordó que «Marqués incluyó l'asturianu nos programes ellectorales, participó en manifestaciones pola ofi cialidá y defendió'l máximu reconocimientu pal idioma en diferentes intervenciones en prensa». Margolles defendió que «güei reivindicamos el recuerdu de Sergio Marqués como un presidente que valoró l'idioma, que lu defendió ensin complexos, que llexisló sobre'l mesmu y que llogró avanzar en consensos sobre'l patrimoniu llingüísticu. El so pensamientu tien que tar más presente que nunca».
La presidenta de la organización de reivindicación llingüística apuntó tamién que «va 30 años, nun contestu difícil, con alcuerdos y alcuentros, el Gobiernu de Marqués llogró l'aprobación de la Llei d'Usu como norma pa defender los drechos llingüísticos; güei, facemos un llamáu a toles fuercies polítiques pa siguir trabayando nel consensu pol idioma, ensin escluciones, sumando voluntaes y mirando a la Constitución pa llograr conxuntamente trabayar poles llingües propies y consiguir».
D'esta manera, la entidá sumóse al actu d'homenaxe que'l Conceyu de Xixón fi zo poniendo'l so nome a una cai en Cimavilla. Arantza Margolles aprovechó l'alcuentru pa facer un llamáu a «trabayar poles llingües propies y la so defensa nun contestu d'ofi cialidá, pasu natural nel camín que marcaron, yá va treinta años, polítiques como les de Sergio Marqués».