Les inscripciones van ser gratuites a partir del 15 d'agostu, y los concursantes tendrán de presentar les sos botelles la mesma mañana del campeonatu enantes de los dos de la tarde
30 oct 2025 . Actualizado a las 10:58 h.La Pola Siero yá tien fecha pa celebrar unu de los eventos mñas esperaos: el campeonatu de guinda casero. El próximu xueves 13 de payares de 2025, el reconocíu Restorán Abrelatas va abrir les sos puertes p'acoyer l'I Campeonatu Nacional de Guinda Caseru, un eventu qu'aspira a convertise en referencia y que llega dispuestu a reivindicar la tradición asturiana d'ellaborar llicor de guindes en casa.
La bébora, que pasó de xeneración en xeneración como una pequeña ayalga familiar escondíu en botelles de cristal, va salir a la lluz nun concursu onde namás van poder participar particulares, ensin presencia de marques comerciales nin productores profesionales. L'oxetivu ye claru: homenaxar el bon facer domésticu, la receta heredada, la paciencia de la maceración y l'allegría de compartir un clin “del de casa”.
Les inscripciones van ser gratuites a partir del 15 d’agostu, y los concursantes tendrán de presentar les sos botelles la mesma mañana del campeonatu enantes de los dos de la tarde. Yá pela tarde, a les 18:00 hores, un xuráu profesional va empecipiar la cata a ciegues y va determinar cuál ye la meyor guinda casero. Hai alicientes pa tentar inclusive a los más modestos productores: la Guinda d’oru, acompañada de diploma acreditativu y 200 euros, amás de les reconocencies en plata y bronce pa quien rocen el podiu.
La celebración nun va quedar namás nos vasos de cata: tres el fallu del xuráu, Abrelatas va ufiertar un pinchu pa tolos participantes y tamién pa los asistentes qu'acutaren primeramente, con un preciu de 20 euros. Una fiesta gastronómica pa brindar, charrar y presumir de receta.
El coloríu y allegre cartelu del eventu, apináu d'ilustraciones d'enormes cereces y personaxes engatando ente elles, yá ta percorriendo les redes y les cais, anunciando una cita qu'axunta tradición, humor y arguyu gastronómicu. Fechu, por ciertu, pola artista Nievesita.