El certame va celebrase na sala Kuivi Almacenes, n'Uviéu, a partir de les 20.00 hores, con entrada gratuita
07 nov 2025 . Actualizado a las 10:28 h.Seis bandes y solistes asturianos van participar esti vienres na final del 40 Concurso de Maquetes de Pop-Rock, qu'entama la Conseyería d'Ordenación del Territoriu, Urbanismu, Vivienda y Derechos Ciudadanos al traviés de la Dirección Xeneral de Mocedá. El certame va celebrase na sala Kuivi Almacenes, n'Uviéu, a partir de les 20.00 hores, con entrada gratuita.
Los finalistes --Zero Castigo, Elena Delfrade, Casino SA, Sociedad Anónima y Scherz -- van ufiertar un conciertu conxuntu que va cerrar l'artista Lorena Lawns, ganadora de l'anterior edición.
El director xeneral de Mocedá, Francisco de Asís Fernández, destacó esti xueves la importancia del concursu como «espaciu d'alcuentru y proyección pa los mozos creadores asturianos». Coles mesmes, convidó al públicu «a disfrutar d'un conciertu gratuitu onde van poder comprobar el nivel qu'atesora'l talentu xuvenil asturianu en materia musical»; informó Europa Press.