La IV edición de La FEA va tener llugar la fin de selmana del 20 al 22 de marzu nel Muséu del Ferrocarril d'Asturies con delles actividaes dedicaes a la lliteratura n'asturianu
17 mar 2026 . Actualizado a las 12:57 h.El Gremiu d’Editores d’Asturies xune fuercies un añu más pa organizar La FEA (Feria de la Edición Asturiana), que yá va pola so cuarta edición. Los díes 20, 21 y 22 de marzu el Muséu del Ferrocarril va convertise n'abellugu de la lliteratura asturiana. Ellí, cerca d'una trentena d'editoriales van tar presentando novedaes, conociendo a los sos llectores y ufriendo actividaes lliteraries variaes empobinaes al públicu de toles edaes.
La Feria de la Edición Asturiana ye un espaciu dedicáu a visibilizar el trabayu editorial que se realiza n’Asturies. Nella participen editoriales bien variaes, reflexando la diversidá y la bayura del panorama editorial asturianu. La programación inclúi cerca de venti actos de distintes cases editoriales nos que'l públicu va tener oportunidá de conocer a los y les autores de les sos obres favorites, los proyectos editoriales que les faen posibles y tamién descubrir nuevos talentos.
Vienres 20
12:00 - 12:45 Inauguración de la IV Feria de la Edición Asturiana.
17:00 - 17:45 Presentación del llibru Durkheim marca un gol, de Leonardo H. Pelayo. Editorial: Colectivu Bruxista.
18:00 - 18:45 Presentación de la novela Santo Amaro, d’Arantza Margolles Beran. II Premiu ‘Muyer’ de narraciones Trabe. Participen: Arantza Margolles Beran y Esther Prieto. Editorial: Trabe.
19:00 - 19:45 Presentación de L’imperiu de les llombes, de Vítor Albuerne. Editorial: Baxamar.
20:00 - 20:45 Recital poéticu Paz de puño y letra. Editorial: Más Madera.
Sábadu 21
12:00 - 12:45 Presentación del álbum infantil Rubén. Alma, leche y amor, de Olaya Rubio Vílchez, ilustráu por Eva Rami. Un cuentu que trata con ciñu'l duelgu perinatal, la lactancia y les rellaciones familiares. Editáu en cartón y n'edición billingüe español-inglés, a partir de 3 años. Coles autores Olaya Rubio Vílchez y Eva Rami.
13:00 - 13:45 Presentación de Pop Piquiñín. Una escoyeta de los cantares de Petit Pop.
Editorial: La Fabriquina.
14:00 - 14:45 Presentación de La bruja, el herrero y el arco de Lughnasa, de José A. Oliver López. Última entrega d'esta triloxía d'aventures, una travesía fantástica per tierres asturianes, con héroes y secretos históricos. Editorial: La Semeya.
17:00 - 17:45 Presentación de Cultura del azabache en el Camino de Santiago, de Valentín Monte Carreño, Benigno Gómez López y Ignacio Valdés Álvarez. Editorial: Cicees.
18:00 - 18:45 Presentación de Rincones de Gijón, con Miguel Watio y Monchi Álvarez. Un paséu sentimental pela ciudá al traviés del paisaxe urbanu y les sos hestories. Editorial: Delallama.
19:00 - 19:45 Presentación d'Aire en el aire. Poesía 2001?2025, de José Luis García Martín. Editorial: Impronta.
20:00 - 20:45 Presentación de Xera de Berto García, con Inaciu Galán. Una antoloxía poética na que l'autor atropa lo meyor de la so producción nestos yá 20 años de xera poética. Editorial: Cuatro Gotes.
Domingu 22
12:00 - 12:45 Presentación d'Un casino en plena selva, de Ícaro Obeso. Editorial: La Fabriquina.
13:00 - 13:45 Presentación de Nvmantia IV, Los campamentos de Renieblas, de Adolf Schulten. Nel actu van intervenir: Santiago Recio Muñiz, catedráticu de Llatín y traductor de la obra y Benito García Noriega, editor. Editorial: KRK.
14:00 - 14:45 Presentación d'Asturias en el plato, de Susana García Soto. Un conxuntu de 72 recetes de la gastronomía tradicional asturiana, ellaboraes a partir de dalgunos de los sos productos más representativos. Editorial: Delallama.
17:00 - 18:30 Taller gratuitu infantil Ilustra tu propio ogro, a partir de la llectura del álbum Ramón Román Rodrigo, de David Acera, Gloria Sagasti y Borja Sauras. Una actividá pa esplorar la ilustración y dexar volar la imaxinación, empobinada a neños y neñes a partir de 5 años. Places llimitaes con reserva previa. Editorial: Pintar-Pintar.
19:00 - 19:45 Presentación de Constantino Suárez. L’alma fotográfica al traviés de la vanguardia, de María Pidal García. Una obra sobre la importancia del fotógrafu xixonés, mesmo dando testimoniu de la Guerra Civil que como fotógrafu de vanguardia. Editorial: La Semeya.
Amás de l'amplia y variada programación d'actividaes, les distintes editoriales participantes van cuntar con espaciu propiu nos puestos del mercadín al que'l públicu va poder averase a conocer les novedaes editoriales y les persones qu'hai detrás del llabor d'edición. La IV edición de la FEA d'esti añu promete ser una celebración de la lliteratura en tola so dimensión artística y social, un alcuentru ente escritores, editores y llectores nun espaciu privilexáu como ye'l Muséu del Ferrocarril d'Asturies