La iniciativa busca afalar al públicu nel Día Internacional del Llibru y a regalar la rosca d'esti día
14 abr 2026 . Actualizado a las 16:42 h.San Xurde, la celebración cola qu'Asturies conmemora’l Día Internacional del Llibru, que se va celebrar el próximu 23 d’abril. D'esta manera, dase continuidá a una iniciativa que se punxo en marcha l’añu pasáu con vocación de permanencia y que, tres l’ésitu de la primer edición, vuelve col oxetivu de consolidar esta iniciativa propia venceyada al llibru, la llectura y la gastronomía de la comunidá.
La celebración de San Xurde propón un festexu singular, al xunir el regalu de llibros con un productu gastronómicu creáu pa la ocasión: la Rosca de San Xurde. La propuesta ta impulsada pola conseyería y el Gremiu d’Editores d’Asturies, col sofitu de llibreríes, biblioteques públiques, panaderíes, confiteríes, comercios y productores de Miel d’Asturies IGP. La conseyera destacó’l valor simbólicu del llugar escoyíu y sorrayó que San Xurde ye’l resultáu de la suma de voluntaes de sectores diversos que comparten una mesma convicción: que la cultura medra cuando se construye dende la collaboración y l’arraigu nel territoriu.
La edición de 2025 demostró la capacidá de la efeméride pa conectar cola ciudadanía y col texíu cultural y comercial. Les roscas creaes pa la ocasión escosáronse y la celebración llogró una amplia implicación del sector editorial y de los oficios artesanos. Esti añu, San Xurde caltién la so estructura collaborativa y vuelve asitiar la llectura nel centru d’una xornada festiva que combina identidá, tradición ya innovación, al empar que refuerza la economía de proximidá.
La Rosca de San Xurde vuelve ser l’emblema gastronómicu de la celebración y ufiertase en dos versiones ellaboraes de forma artesanal que se venden de manera individual: la rosca salada, a base de pan escamáu rellenáu de chorizu, y la rosca duce, tipu brioche, con cobertura de nuez y «escames de cuélebre».