Siero entama en Valdesoto una xornada intergeneracional cola I Xunta de Sabios y les III Xornaes Interxeneracionales
AGORA
La programación va empezar pela mañana, de 10.30 a 13.00 hores
24 abr 2026 . Actualizado a las 11:50 h.El Conceyu de Siero celebra esti vienres nel Centru Polivalente de Valdesoto una xornada d'actividaes intergeneracionales que va incluyir la I Xunta de Sabios Interxeneracionales y les III Xornaes Interxeneracionales, coles mires de fomentar la convivencia y l'intercambiu d'esperiencies ente distintes xeneraciones.
La programación va empezar pela mañana, de 10.30 a 13.00 hores, cola celebración de la I Xunta de Sabios Interxeneracionales, enmarcada na Global Intergenerational Week 2026. Un movimientu internacional que promueve la cooperación ente xeneraciones como ferramienta pa reforzar la cohesión social, la participación comunitaria y el bienestar territorial.
Nesta primer edición van participar alumnáu de la escuela de Faes, del CRA de Viella y del IES Escultor Juan de Villanueva de La Pola Siero, al pie de vecinos del conceyu, profesionales del ámbitu educativu y social, personal técnico y representantes del texíu empresarial. Pela tarde, ente les 17.00 y les 20.00 hores, van desenvolvese les III Xornaes Interxeneracionales sol lema «Xuntando Pieces», una propuesta abierta al públicu que va dar continuidá a l'actividá mañanera per aciu talleres, espacios d'alcuentru y actividaes lúdiques, informa Europa Press.