Nairo Quintana gana la so tercer Vuelta a Asturies na confirmación de Samuel Fernández
AGORA
El ciclista colombianu ye'l ciclista con más títulos d'esta prueba, mientres que l'asturianu confírmase como una apuesta de presente y futuru nel pelotón
27 abr 2026 . Actualizado a las 13:52 h.Nairo Quintana volvió ganar la Vuelta a Asturias 2026 con autoridá dellos años dempués de que'l colombianu lo fixera por dos veces, na dómina na que lluchaba pola victoria nes tres grandes vueltes por etapes del calendariu internacional. El ciclista del Movistar impúnxose na clasificación xeneral tres cuatro etapes y certificó’l so tercer trunfu na ronda asturiana tres decidir la carrera na etapa de La Pola L.lena.
Ellí llegó’l momentu clave. Quintana atacó nel tramu final de la segunda xornada y abrió una diferencia que yá nun perdería. Dende entós, controló la carrera ensin sobresaltos hasta la meta final n’Uviéu.
La carrera completóse con una primer etapa marcada pola escapada y el esprint reducíu, y con protagonismu del mexicanu Édgar Cadena nes últimes xornaes, ganador en A Veiga y tamién na etapa final d'Uviéu tres facer unes escapaes de munchos quilómetros ensin que pudieren garralu.
La otra gran noticia foi’l rendimientu del asturianu Samuel Fernández. El corredor asturianu del Caja Rural firmó una vuelta mui regular, siempre cerca de los meyores, y acabó metíu nel top 5, confirmando’l so pasu alantre nel pelotón profesional, namás a 6 segundos del podiu y repitiendo'l puestu que cuayara na edición anterior. Confírmase asina un presente y futuru del ciclismu asturianu nel máximu nivel de competición.