El próximu 30 de mayu va celebrase en Xixón un Mundialin Antirracista, una iniciativa que combina deporte, convivencia y llucha social baxo?l lema «Escontra?l racismu, unidá de clase»
12 may 2026 . Actualizado a las 12:09 h.L' Asamblea de la Mocedá Trabayadora entama una xornada deportiva nel Campu La Cruz con places llimitaes, inscripción previa y actividaes de convivencia pa fomentar la unidá y la llucha antirracista
El próximu 30 de mayu va celebrase en Xixón un Mundialin Antirracista, una iniciativa que combina deporte, convivencia y llucha social baxo’l lema «Escontra’l racismu, unidá de clase». L’eventu va tener llugar nel Campu La Cruz (sede del UC Ceares y el Gijón Fútbol Femenino), na carretera de Ciares, y ta organizáu pola Asamblea de la Mocedá Trabayadora.
El campeonatu de fútbol ta abiertu a la participación de distintos equipos, anque les places son llimitaes. Cada xugador tendrá que facer una aportación de 3 euros pa poder participar, y la inscripción tien que facese previamente al traviés de mensaxe priváu a la organización (@ajt_xixon n'Instagram).
Amás de los partíos, l’actividá va contar con un espaciu dedicáu a la comida y a la socialización, col oxetivu de fomentar l’alcuentru ente persones y colectivos nuna xornada marcada pola reivindicación antirracista y la convivencia. Dende la organización animen a tola xente interesao a participar y formar parte d’esta xornada deportiva y reivindicativa en Xixón.