La Policía Local establez cortes y restricciones de tráficu pol conciertu d'Aitana n'Avilés
AGORA
La prohibición de estacionamietu va afectar a la totalidá de les cais María de Maeztu y de la Viesca, asina como a distintos tramos de La Amistad, La Madalena y El Bosque, amás de la zona de Fuente Santos
24 jun 2026 . Actualizado a las 10:46 h.La Policía Local d'Avilés informó de les restricciones de tráficu y estacionamietu que van aplicase con motivu del conciertu de Aitana previstu pa esti vienres nel Pabellón d'Esposiciones de La Madalena. Les llimitaciones van empezar a les 23.00 hores del xueves y van enllargase hasta les 7.00 hores del sábadu, periodu mientres el que va tar prohibíu aparcar en delles cais próximes al recintu.
La prohibición de estacionamietu va afectar a la totalidá de les cais María de Maeztu y de la Viesca, asina como a distintos tramos de La Amistad, La Madalena y El Bosque, amás de la zona de Fuente Santos. Según esplicó'l Conceyu, dalgunes d'estes víes van acutase pa vehículos d'emerxencia, evacuación, persones con movilidá amenorgada o como itinerarios alternativos de circulación.
Coles mesmes, dende les 8.00 hores del vienres y hasta la finalización del conciertu modificaránse dellos sentíos de circulación na redolada de La Madalena. BVa invertise'l sentíu del tráficu nun tramu de la cai de La Madalena y va llindase la circulación en parte de la cai de La Amistad.
Tres del conciertu, va cortase la entrada de vehículos nes cais Leopoldo Alas Clarín y La Amistad pa facilitar la salida del tráficu. El Conceyu encamienta utilizar les cais Gutiérrez Herrero y Río San Martín pa dexar o recoyer asistentes al eventu, informa Europa Press.