La normativa va permitir a los y les docentes acceder a una plaza estable
09 jul 2026 . Actualizado a las 13:37 h.El Gobiernu dio un pasu importante pal reconocimientu académicu del asturianu al abrir la posibilidá de qu'esti idioma tenga una especialidá docente propia. Esta midida supondría un cambéu relevante na enseñanza, yá que va permitir regular de manera específica la formación y l’accesu del profesoráu encargáu d’impartir esta materia, pudiendo acceder a una plaza estable.
Hasta agora, la falta d’una especialidá oficial xeneraba una situación d’inestabilidá ente’l profesoráu, que nun contaba con un marcu equiparable al d’otres asignatures. Con esta iniciativa, preténdese avanzar na normalización del asturianu dientro del sistema educativu y ameyorar les condiciones llaborales del profesoráu. La decisión responde a una reivindicación histórica n’Asturies, onde distintes instituciones y colectivos lleven años solicitando esti reconocimientu.
La creación de la especialidá facilitaría amás la consolidación de places y contribuiría a reforzar la presencia del asturianu nes aules. El Gobiernu tendrá agora que concretar los cambeos normativos necesarios pa facer efectiva esta midida, que podría marcar un antes y un depués na enseñanza del asturianu.