Talleres de baille, random dancies masivos o concursos de covers, ente otres actividaes
17 jul 2026 . Actualizado a las 17:33 h.La CometCon 26, que va celebrase na cortil ferial xixonés 'Lluis Adaro', ente'l 4 y el 6 del próximu mes de setiembre, va acutar un espaciu importante del certame a la cultura K-pop, per segundu añu consecutivu. Esti xéneru musical, orixinariu de Corea del Sur que combina elementos de pop, hip-hop, electrónica y R&B, adquirió muncha popularidá na última década.
Nesta edición, la CometCon va dedicar una parte central de la so programación a talleres de baille, random dancies masivos, concursos de covers, charres sobro la industria musical coreana, espacios d'escucha y proyecciones audiovisuales.
Amás, según Europa Press, va cuntar cola participación de ceadores de conteníu, baillarinos y especialistes que van analizar l'impactu cultural del xéneru dende una perspectiva contemporanea y van actuar como xuráu en diversos concursos, onde los aficionaos al xéneru van poder demostrar el so talentu y ganar apetecedores premios.
Los nomes de los invitaos y los detalles del programa dirán revelándose a lo llargo del branu nes redes sociales de CometCon (cometconasturias en Instagram y TikTok), onde tamién se puede aportar a conteníos esclusivos rellacionaos col eventu. Les entraes yá tán a la vienta y pueden adquirise digitalmente por tiempu llindáu en www.cometcon.org.