Xeneralizada ta la idea de llimpiar el vasu de sidra depués de tomar el culín, pero nesti casu'l llíquidu sal del vasu pa la boca pel llau internu y los llabios asítiense tocántenes pela parte d'afuera del recipiente bebederu. Lluéu, nun lu llimpia, y por ello, carez de lóxica, esi argumentu esi argumentu nun merez ser considerásu . Amás, los vieyos sidreros, tiren la sidre del vasu al suelu con ímpetu, pel llau contrariu per onde se bebe.
Va cuantayá na Gran Encicopedia Asturiana, de la editorial Ayalga de Silverio Cañada, nun de los tomos de curiosidades tradicionales asturianes, ún de los estudios d'un antropólogu, -del so nome nun m'alcuerdo-, cita que del culín la sidra déxase un restu y tírase al suelu o al duernu pa agradecer a la madre Tierra'l frutu que ella mos ufierta. Hai delles cultures que n'agradecimientu lo faen. Por casu dos exemplos: tirar el vino a la tierra -cultura andina- en dellos paises sudamericanos, n'ofrenda a los espíritus de los caidos, respetu a la tierra natal y un xestu de purificación o rotura cola mala suerte. Los cosacos tiraben pa atrás la copa metálica con un poco de vodka.
Sicasí, ye posible que col pasu del tiempu esi significáu simbólicu se fuere desdibuxando y acabare más alloñada de la realidá y acabare imponiéndose a una esplicación más cercana a la sensibilidá, la hixene. Ye simbólicu a una costume que, d'otru mou, queda amernogada a una cuestíón d'hixene.
Esa idea de dexar llíquidu del culín «llimpia» el vasu, nun tién xeitu, porque la sidra nun se desperdicia nel suelu, lo que fai ye que cumpla 'l ritual. Los caberos gotos nun llimpien el vasu: devuelven a la Tierra una parte de lo que la Tierra mos regaló.
La sidra ye una bebida pa compartir con collacios y en camaradería nun hai ascos, nun tienen sitiu los escrúpulos. Esti vezu de tirar al suelu lo último del culín, ye ancestral. El devolver a la tierra un poco del «nectar» ye la parte cabera, la parte culminante del ritual.
Yo quédome con esti argumentu, ye entrañable y sentimental. L'otru, pamidea, nun tién sentíu. Nun taría demás esparder esta esplicación pa amosar al públicu esta idea y que se pueda xeneralizar y que postergue l'argumentu de la hixene que pa min ye un «ensin sen» y:
-DEVUÉLVE-Y A LA TIERRA UN POCU DE LO QUE TE DA-