La Curtidora d'Avilés aprueba un presupuestu de casi 700.000 euros pa 2027, un 3% más
AGORA
El Centru d'Empreses caltién los precios de alquileres y servicios aplicaos dende 2015 y rexistra una ocupación del 82,87% nes oficines y del 100% nes naves
27 ago 2026 . Actualizado a las 05:00 h.El Conseyu d’Alministración de la Sociedá de Desenvolvimientu La Curtidora, S.A., presidíu pola alcaldesa d’Avilés, Mariví Monteserín, aprobó’l Plan Previsional d’Ingresos y Gastos pa 2027, que xube a casi 700.000 euros. Na xunta tamién participó’l conceyal de Desenvolvimientu Urbanu y Económicu, Manuel Campa.
El presupuestu medra un 3% respecto al aprobáu pa 2026 y caltién l’equilibriu ente ingresos y gastos. Con calter xeneral, La Curtidora va caltener en 2027 los precios de alquileres y servicios que vien aplicando dende 2015, actualizando namás les tarifes correspondientes al usu del coworking.
La previsión económica sofítase nel eleváu nivel d’ocupación de les instalaciones. A 30 de xunu de 2026, taba ocupáu’l 82,87 % de la superficie destinada a oficines, mentanto que’l 100 % del espaciu destináu a naves taba completu. Nesa fecha, el Centru d’Empreses allugaba a 55 empreses y cuntaba con 68 contratos d’oficina virtual vixentes.
Contratación de servicios
El Conseyu d’Alministración tamién alcordó entamar la contratación de los servicios de vixilancia, recepción y llimpieza del Centru d’Empreses La Curtidora, amás de los servicios de recepción y llimpieza del Espaciu Maqua.
La renovación d’estos contratos va permitir caltener los servicios d’atención, seguridá y llimpieza necesarios pal funcionamientu cotidianu de dambos centros y pa l’actividá de les empreses y profesionales qu’usen les sos instalaciones.