Una carrera nueva n'Asturies agota 50 places en menos d'ocho hores ensin desvelar tovía en qué consiste
AGORA
Mysterioux Race va celebrase'l próximu 11 d'ochobre y los sos primeros participantes apuntáronse ensin conocer tovía les pruebes que van tener que superar
01 sep 2026 . Actualizado a las 09:13 h.Una competición deportiva nueva va llegar a Asturies el próximu 11 d’ochobre con una particularidá poco habitual: les primeres 50 places de Mysterioux Race agotáronse en menos d'ocho hores, primero inclusive de que la organización desvelare en qué consiste exactamente la competición.
Trátase de Mysterioux Race, un nuevu eventu organizáu por Mysterious Times en collaboración cola profesional de marketing y comunicación Jesica Blanco. La prueba va tener llugar en ParqueAstur, en Corvera, un espaciu de gran afluyencia que recibe visitantes de distintos puntos del Principáu.
El misteriu ye precisamente ún de los elementos centrales de la propuesta. Les persones que consiguieron una de les primeres places saben cuándo y ónde va tener llugar l’eventu, pero tovía nun conocen tolos detalles d'a qué van tener qu'enfrentase.
La organización va dir revelando progresivamente pistes nueves sobre’l formatu nes próximes selmanes.
La rempuesta inicial superó les espectatives de la organización: les primeres 50 places, toes elles formalizaes y pagaes, agotáronse en menos d'ocho hores dende l’apertura de les inscripciones. L’oxetivu agora ye siguir xenerando expectación mientres se desvela, por fases, qué hai detrás de Mysterioux Race.
L’eventu busca plantegar una esperiencia deportiva diferente, na que la incertidume forme parte de la propia competición y na que los participantes non solo tengan que preparase físicamente, sinón tamién tar preparaos pa lo desconocío.
Nes próximes selmanes, Mysterioux Race va empezar a revelar nuevos detalles sobre’l so formatu, les pruebes y los distintos elementos que van formar parte de la esperiencia del 11 d’ochobre.