UPA califica de «imprecisu, parcial y preocupante» l'alcuerdu del Conseyu Européu sobre la PAC
AGORA
La organización agraria llamenta tamién que nun s'estableza una llista negativa de perceptores pa frenar l'accesu a sofitos públicos a fondos d'inversión que lleguen a l'agricultura a facer negociu y especular
29 oct 2026 . Actualizado a las 13:24 h.La Unión de Pequeños Llabradores y Ganaderos (UPA, poles sigles en castellán) calificó de «imprecisu, parcial y preocupante» l'alcuerdu alcanzáu ayeri nel Conseyu de Ministros d'Agricultura sobre la reforma de la Política Agraria Común (PAC), que nun corrixe les principales crítiques emitíes pola organización dende l'entamu.
En concreto, UPA considera que afóndase na decisión de reformar la PAC pa facela menos común y menos europea. Dótase de más flexibilidá a los Estaos Miembros pa concretar demasiaos aspectos, lo que dexaría al albur de los Gobiernos nacionales numberoses figures que finalmente influyiríen nes ayudes que se concederíen a les esplotaciones agrícoles y ganaderes.
La posición alcordada ayeri nun establez un criteriu européu común pa la definición del llabrador activu, un elementu perimportante pa llograr una PAC más xusta, más social y más equilibrada, como reclamó UPA. La organización agraria llamenta tamién que nun s'estableza una llista negativa de perceptores pa frenar l'accesu a sofitos públicos a fondos d'inversión que lleguen a l'agricultura a facer negociu y especular.
Igualmente, el Conseyu Européu sigue na llinia de la propuesta de la presidencia irlandesa d'aumentar los techos d'ayuda por esplotación hasta los 300.000 euros. «Nótase la presión de los grandes perceptores d'ayudes. Cargase'l techu d'ayudes de 100.000 euros que s'estableció na anterior reforma ye claramente un pasu atrás», esplicaron dende UPA.
La Unión de Pequeños Llabradores fizo fincapié en que la posición alcordada ayeri adelantróse a la negociación del MFP, lo que pón en barbechu la mayoría de les propuestes al ser la PAC una política puramente presupuestaria. «Hasta que nun se cierre'l presupuestu de la UE, nun vamos poder conocer la verdadera PAC que vamos tener del 2028 a 2034», aseguren.
UPA señaló tamién que l'ayuda a los pequeños perceptores perdería'l so calter obligatoriu y llindaríase a 3.000 euros, frente a los 5.000 que propón la organización, que tamién pide que'l criteriu de degresividad aplíquese a toles tipoloxíes d'ayudes. Sicasí, la organización considera que la parte más positiva del testu seríen les ayudes pa mozos llabradores, que se veríen reforzaes al quedar establecíes como obligatories pa los Estaos, informa Europa Press.